جرانة مالحة .. بقلم أ/ أحمد الكندودي
زجلية مغربية تحت عنوان :
*** جْرانة مالحة****
كِيف مَ دِير تَوْحل ف زمان لَكذوب ؤُ لَبْهوت
لَمْحبة غاية ؤُ مَصْلاحة
لاَ صدق بْقا ؤُ لا مْلاَحَة
نْمَكْريه ؤُ شًر ؤُ لَقْباحة
تَخْراج العينين ،والانا والجبهة طبع ؤ قوت
فاَه مَنًك يَ جْرانة لمالحة
فين كنتِ ؤ غادة سارحة
تايهة ؤُ بلا قيمة جايحة
فيقي ،فَ بَعْنادك زدْتِ لَمحبة ضَر وَ مُوت
نار نْفاقْ فِ دمك سايحة
ريحْتو مْعَفنة منك فايحة
شَدي لأرض راك غ مْلاوحة
حْظي راسك ؤ بَعْدي، ؤُقْبل مَ يْفوت الفوت
كلاب الصَيْْد تطَلْقو وَلْحيًاحة
عَمْرو الدنيا وبجهلهم دَنْسو الساحة
رْخَص صَيدهم ؤُنْتِ طبعك مَياحة
...جثة ذليلة سلعة عدتي.
وكنتي برزانتك مرجانة وياقوت
يا جرانة مالحة
راك في الغفلة طايحة
وحسن شدي الطريق الصالحة
فبالعفة والصدق ولوفا...
ما يطمع فيك لمسلول وخا ب لفطير القوت
***المغرب***الشاعر والزجال :أحمد الكندودي**
تعليقات
إرسال تعليق